ཕི་ལིམ་དུ་བྱིས་པའི་སློབ་གྲྭ་གསར་འཛུགས་ཀྱི་དབུ་འབྱེད།
ཕི་ལིམ་གྲོང་གསེབ་ཏུ་ང་ཚོའི་བུ་བཅོལ་ཁང་གསར་པ་དེ་དབུ་འབྱེད་བྱས་པའི་གསལ་བསྒྲགས་བྱེད་རྒྱུ་ཡིན། ཕྱི་ཟླ་ ༡༡ ཚེས་ ༡༢ ཉིན་གནང་བའི་དབུ་འབྱེད་མཛད་སྒོ་དེ་ཡོངས་འཛིན་མི་འགྱུར་རིན་པོ་ཆེ་དང་། ཕི་ལིམ་དང་ཉེ་འཁོར་གྲོང་གསེབ་ཁག་གི་དགེ་འདུན་བླ་མ་རྣམ་པ། དེ་བཞིན་རྩུམ་ནུབ་རི་གྲོང་སྡེ་ལས་ཁུངས་ཀྱི་ལས་བྱེད་རྣམ་པས་མཛད་སྒོར་ཕེབས་ནས་བྱིན་གྱིས་བརླབས་ཡོད། མཛད་སྒོའི་ནང་སྨོན་ལམ་འདོན་པ་དང་། དར་ཚོན་གཅོད་པ། སློབ་གྲྭའི་ས་ཁོངས་ལ་ལྟ་སྐོར་བྱེད་པ། སྐུ་མགྲོན་ཁག་གིས་ཤེས་ཡོན་གྱི་གལ་ཆེའི་རང་བཞིན་སྐོར་ལ་གསུང་བཤད་གནང་བ། ས་གནས་མི་མང་གིས་རིག་གཞུང་གི་གླུ་གཞས་དང་ཞབས་བྲོ་འཁྲབ་སྟོན་བྱས་པ་བཅས་བྱུང་ཡོད།
ཕྱི་ཟླ་༡༡ ཚེས་༡༨ ཉིན་ང་ཚོས་བྱིས་པ་༤༠ རང་ཉིད་ཀྱི་སློབ་སྦྱོང་བྱ་ཡུལ་གསར་པར་དངོས་སུ་དགའ་བསུ་ཞུས་པ་དང། ཁོང་ཚོར་སྤུས་ཚད་ལྡན་པའི་སྔོན་འགྲོའི་ཤེས་ཡོན། བཅུད་ལྡན་གྱི་ཉིན་གུང་ཞལ་ལག། ཕྱི་དྲོའི་ཁ་ཟས་བཅས་མཁོ་འདོན་བྱས་ཡོད། ལས་གཞི་འདིའི་དམིགས་ཡུལ་ནི་བྱིས་པ་རྣམས་ལ་ཉེན་ཁ་མེད་ཅིང་ཤེས་རིག་འཕེལ་བའི་ཁོར་ཡུག་ཅིག་བསྐྲུན་པ་བརྒྱུད། ཕ་མ་ཚོ། ལྷག་པར་དུ་ཕ་མ་ཡ་གཅིག་རྣམས་ལ་རྒྱབ་སྐྱོར་བྱེད་རྒྱུ་དེ་ཡིན།
ང་ཚོའི་སེམས་གཏིང་ནས་ (ROKPA INTERNATIONAL) ཚོགས་པར་རྨི་ལམ་འདི་དངོས་སུ་འགྱུར་བར་བྱས་པར་ཐུགས་རྗེ་ཆེ་ཞུ་བ་དང་། ཕི་ལིམ་མང་ཚོགས་ཀྱི་རྒྱབ་སྐྱོར་ལ་མཐའ་གཅིག་ཏུ་བཀའ་དྲིན་ཆེ་ཞུ་རྒྱུ་ཡིན། མཉམ་རུབ་ཀྱིས་འོད་སྟོང་འབར་བའི་མ་འོངས་པ་ཞིག་བསྐྲུན་བཞིན་ཡོད།
