གཏེར་སྒར་མཎྜལ་ཚོགས་པའི་བགྲོད་པའི་ལམ།

ཕྱི་ལོ་ ༢༠༢༣ ལོའི་ཟླ་བ་བཅུ་གཉིས་པའི་འགོ་སྟོད་དུ། (HELP) ཚོགས་པའི་ལས་འཆར་ཚོགས་ཆུང་གིས་ཧི་མ་ལ་ཡའི་མཐོ་སྒང་གི་ས་མ་གྲོང་ཚོ་ནས་གྲོང་ཁྱེར་ (Dubai) བྱེ་ཐང་བར་ཕྱིན་ཏེ་མཉམ་འབྲེལ་རྒྱལ་ཚོགས་ཀྱི་གནམ་གཤིས་འགྱུར་ལྡོག་གི་ལྷན་ཚོགས་ (COP28) ལ་མཉམ་ཞུགས་བྱས། ས་མ་གྲོང་དུ་མཚན་མོའི་དྲོད་ཚད་ཀླད་ཀོར་འོག་གི་ཚད་རིམ་ ༧ (–7°C) ཙམ་ཡིན་པ་ནས་ (Dubai) ་ཚ་དྲོད་ཧ་ཅང་ཆེ་བའི་གནམ་གཤིས་ལ་གཞི་ནས་གོམས་འདྲིས་བྱུང་རྗེས། ཚོགས་ཆུང་དེ་ (Dubai) ་འགྲེམས་སྟོན་ཁང་ ༢༠༢༠ (Dubai Expo 2020) སྟེ་མཉམ་འབྲེལ་རྒྱལ་ཚོགས་ཀྱི་གནམ་གཤིས་འགྱུར་ལྡོག་གི་ལྷན་ཚོགས་འཚོགས་ཡུལ་དུ་བསྐྱོད་པ་རེད།

(H.E.L.P.) ཟླ་བ་འདིའི་ནང་རོགས་ཟླ་ཚོགས་པ་ (Animal Nepal) དང་མཉམ་འབྲེལ་ཐོག རྩུམ་དང་ནུབ་རི་ལྗོངས་སུ་འཁྱམས་དང་ཁྱིམ་གྱི་ཁྱི་དང་ཞི་མི་བཅས་ལ་གཤགས་བཅོས་དང་སྔོན་འགོག་སྨན་ཁབ་རྒྱག་པའི་ལས་རིམ་གཟའ་འཁོར་གསུམ་རིང་སྤེལ་བ་ལེགས་པར་གྲུབ། མི་དང་དུད་འགྲོ། སྤྱི་ཚོགས་བཅས་ཀྱི་དབར་ལ་ཡོད་པའི་འབྲེལ་ལམ་ནི་མཐོང་ན་དགའ་འོས་པ་ཞིག་འདུག(Animal Nepal) གྱིས་དུད་འགྲོ་ ༢༥༠ ལྷག་ལ་སྨན་བཅོས་བྱས་ཡོད། གཤགས་བཅོས་དང་སྔོན་འགོག་སྨན་ཁབ་ཀྱིས་མ་ཚད། དུད་འགྲོ་མང་པོ་ལ་འབུ་སྨན་དང་ལྗི་བ་སེལ་བའི་སྨན་བཅོས་ཀྱང་བྱས་ཡོད།

(H.E.L.P.) ཚོགས་པས་སྦྲ་མ་གོང་དུ་བུད་མེད་ཀྱི་སྤྱི་ཁང་ཞིག་བསྐྲུན་བཞིན་ཡོད། སྤྱི་ཁང་འདི་ཉིད་ (H.E.L.P.) ་ཚོགས་པས་བཞེངས་པ་དང་། འདིའི་འཛིན་སྐྱོང་ནི་སྦྲ་མ་གོང་གི་སྤྱི་ཚོགས་སྐྱིད་སྡུག་ཆེ་ཤོས་ཆོས་རྒྱན་གྱིས་གནང་རྒྱུ་ཡིན། ཚོགས་པ་འདི་ནི་སྦྲ་མ་གོང་གི་བླ་མ་མཁན་པོ་རྒྱལ་མཚན་གྱིས་གསར་འཛུགས་གནང་བ་ཡིན་ལ། ཁོང་གིས་བུད་མེད་རྣམས་ལ་བོད་ཀྱི་ཆོས་གཞུང་དང་། ཆོས། ནང་པའི་སྨོན་ལམ་དང་ཆོ་ག་ཕྱག་ལེན་བཅས་སློབ་ཁྲིད་གནང་གི་ཡོད།

ད་ལོའི་ཕྱི་ཟླ་དགུ་པའི་ནང་བལ་ཡུལ་ཀ་ཐ་མན་གྲུའི་འོད་གསལ་གླིང་དགོན་དུ་དངོས་སུ་ཚོགས་རྒྱུའི་“ནང་ཆོས་ཉམས་མྱོང་གི་གཞི་རྩ་”ཞེས་པའི་སློབ་ཚན་གྱི་སློབ་མ་ཐེངས་གཉིས་པ་རྣམས་ལ་གཏེར་སྒར་སློབ་གླིང་སློབ་གཉེར་ཁང་ནས་དགའ་བསུ་ཞུ་རྒྱུ་ཡིན།